طلع علينا خبر فى الصحف بيقول
فقدت مصر رجل اسف
تم القبض على رجل من اغنى الرجال
رجل من اقوى الرجال
رجل من انبل الرجال
رجل من اشجع الرجال
وبعد ثبوت الادله عليه هرب الى سويسرا الا ان دولة الامارات مارست ضغوط شديده على قادة مصر منها سحب كل استثمارتها فى مصر
فتلقى تطمينات موثوق فيها ان براءته اكيده فى مصر كمن سبقوه والخطر عليه فى الخارج لان من الممكن القبض عليه فى اى لحظه عن طريق الانتربول وتسليمه للامارات ساعتها مافيش امل
وعند وصوله تم عمل حملة اعلامية كبيره له فى التلفزيون المصرى وعدد من المحطات الفضائية والصحف والمجلات وتصويره على انه رجل البر والاحسان حتى ان المذيع تامر بسيونى فى برنامج البيت بيتك قاله انت رجل الخير ياباشمهندس ........سبحان الله
و هو حاليا فى سجن طره مع كبار رجال اعمالنا فى حجره مكيفة خاصه جدا (خمس نجوم) بحمام خاص جدا برده فيها كل الكماليات من اول السخان حتى الفاكس واللا ب توب وطعامه ياتى له من فندق الفورسيزون فى سياره من سيارات الفندق مع مضيفه من الفندق ويتابع اعماله ومشاريعه فى انتظار عدالة القضاء والحكم ببراءته
بس ياريت نعرف اشترى اراضى مدينتى بكام عشان بيبيعها دلوقتى المتر باربعة الاف جنيه وكل اللى فات اشتراه بكام
وفى نفس الوقت تقريبا تورط رجل الاعمال فريد خميس عضو مجل الشورى فى قضية رشوة كبيره
واتصالات سرية بين رجل الاعمال ساويرس واسرائيل وقادتها
وقبل كده الدكتور هانى سرور عضو مجلس الشعب وبراءته فى قضية اكياس الدم الفادسه
وممدوح اسماعيل عضو مجلس الشورى وبراءته فى قضية العباره وضياع دم الف مصرى هدر وضياع الاف الاسر اللى كان بيعولهم الضحايا
احمد عز عضو مجلس الشعب وامين تنظيم الحزب الوطنى واحتكاره للحديد بعد مؤامرة بيع مجمع الدخيله بمبلغ زهيد وتسديده على اقساط من المبيعات والسبب الرئيسى فى غلاء اسعار العقارات فى مصر
وظهور رجل الاعمال حسام ابو الفتوح فى افلام فاضحه
قتل رجل الاعمال ايمن السويدى للمطربه ذكرى فى المذبحه الشهيره وانتحاره
هروب كتير من رجال اعمالنا بمليارات البنوك بقروض بضمانات وهميه
وقبل ده وده قضايا فساد لمحافظين ووزراء ومسؤلين امثال محافظ الجيزه ماهر الجندى ويوسف عبد الرحمن وايمن عبد المنعم
هو ده مجتمع رجال الاعمال اللى تم تشكيل الوزاره الحاليه منه
بعض الخبثاء تقول ان المليارات اللى عملها كبار رجال اعمالنا فى سنين بسيطه هى نتيجة سببين
الاول شراء اراضى الدوله بملاليم ان ماكانش ببلاش وبيعها بمليارات
الثانى الخصخصه وشراء املاك الدولة بصفقات مشبوهة
عجبنى اوى مقال فى جريدة الطريق فى عدد الاربعاء 10 سبتمبر بيقول فساد حول الوريث بيشرح وبيقول ان رجال الاعمال المتورطين اصدقاء شخصيين للوريث وده فسرلى حاجات كتير كان صعب استوعبها بسهولة
اليقين
يقينى هنا اسئله مش عارف اجاوب عليها
الاتنين مليون دولار اللى خدهم الضابط الفاسد ومئات الملايين اللى اتصرفت على المغنيه كانوا يكفوا كام اسره فى مصر ولمدة كام سنة؟
ياترى ايه الانجازات اللى حققتها وزارة رجال الاعمال لمصر ولشعب مصر ولسه هاتحققه تلك الوزارة ؟
هل اعلن مجلس الشورى غضبه وولع النار فى مكان اجتماع اعضاءه الفاسدين ؟
هل اعلن جبل المقطم سخطه وغضبه وانهار على جيرانه ساكنى العشش والعشوائيات لقبولهم ذلك الوضع المؤلم لهم وتركهم لمن يسرق قوتهم ويستبيح دمائهم فى قصور و رفاهية؟
ياترى الضحايا المره الجايه كام الف مصرى والبراءه هاتكون لمين؟
شوفنا جثث ضحايا العبارة ومصمصنا شفايفنا واتحكم ببراءة صاحب العباره وطنشنا
شوفنا جثث سكان الدويقة وشمينا ريحتها وبرده مصمصنا شفايفنا
ليه هونا على نفسنا كده ؟
يقول الله تعالى: إن الله لايغير مابقوم حتى يغيروا مابأنفسهم وإذا أراد الله بقومٍ سوءً فلا مرد له ومالهم من دونه من والٍ [ الرعد:11]
عليهم اللعنه فى ترابنا وسمانا
وحسبى الله ونعم الوكيل
17 comments:
السلام عليكم ورحمة الله وبركاتة
اية يانى عاملها مشكلة ان رجل الاعمال الهمام طلع مأجر ضابط امن دولة سابق لقتل مغنية ؟؟
اصلك مش عارف القصة هو بس عايز يطهر البلد ويقلبها بلد اسلامية يعنى القصة مش قصة انحراف لالالا استغفر الله دى قصة دين !!!!!!!
هيست صح ؟؟
بص المال السهل اللى بيجى من دم وقوة الشعب وعدم الاهمام بما يفعلة الكبار كل شئ مباح دا نتيجة طبيعية لما يحدث
عدم محاسبة الظالم او الطاغى على افعاله لانه غنى يبقى عادى جداا لما يقتل بس هى محظوظة انها معروفة لكن لو هى كانت واحدة غلبانة ولا كان حد حس بشئ ولا حس ولا خبر
والناس اصلا مالها سعر فى بلدنا ولو مش مصديق شوق الدويقة
تحياتى لك
بس متفكريش كتير
اسفة عارف بس من باب الانصاف المفروض الراجل داا ياخد رقم المحامى المبجل اللى طلع ممدوح اسماعيل براءة عشان يفرحنا اكثر لما ينتصر للعدالة ويطلع هو كمان براءة ويتبرع بربع جنية لصالح اطفال الشوارع او ابناء الدويقة
حسبنا الله ونعم الوكيل
بعد كلامك مش لاقى كلامك
جيت الجرح
اعتقد دة اصعب زمن مرت بيه مصر
ماسكينها عصابه حراميه مافيهاش حد بيتق الله
ربنا يعز الاسلام بك
تحياتى اخى الكريم
وللأسف هؤلاء هم رجال اعمال مصر
والله اتعكننت
بسم الله الرحمن الرحيم
بجد اعجبى بيك كتير وانت عارف ليه اوعى تكون زعلان عشان هى دى البلد او عشان رجال الاعمال فى كل زمان ومكان رجال اعمال فاسده بس ممكن يتطهر المكان او الزمان احنا مش فى عهد الرسول ولا اصحاب النبى احنا فى عصر حلق حوش من يسبق وياكل فى بطنه الغريب مش بيتعبوا حتى من كتير الدعوة عليهم بجد مش عارفة اقولك ايه بس على فكرة ضربت اعلانات ناجحه
انا لله وانا اليه راجعون
للاسف ما خفي كان اعظم
ربنا يرحمنا برحمته
رمضان كريم
تحياتي
بخصوص الموضوع كل كلمة عندك حق فيها
واللى بيعملوه ده هايعملوا اكتر منه كتير طول ما احنا ساكتين عليهم
اما بخصوصك ليــــــــــــــه؟
ZooZoooo hanem
الاستاذه نهر الحب
والله الوضع زاد عن حده وبقى فوق قدرة استحمالنا
لان العدل والقضاء كان اخر امل لينا بقى هو طوق النجاه وسبيل البراءة لكل فاسد
القضاء ليه اللى بيعرض عليه حتى لو تم فبركته وتظبيطه هو مسؤل فقط عن تطبيق القانون
وحسبنا الله ونعم الوكيل
تحياتى لحضرتك
المجهول
شكرا لحضرتك
تحياتى
الاستاذ احمد الصباغ
كلنا متعكننينين زيك
تحياتى لحضرتك
الاستاذه ولاء
عندك حق
تحياتى لحضرتك
الاستاذه عاشقة النقاب
ربنا يرحمنا كلنا
تحياتى لحضرتك
الاستاذه زوزو
شكرا ليكى
تحياتى لحضرتك
تيلفوناتك كلها مقفوله ومابتردش حتى على ايملاتى
فى ايه؟
ارجوك طمنى عليك
zoozoooo
بما انك قافل التعليقات في تدوينتك حالة خاصة
قلت اقولك هنا البلد دي احسن من غيرها
ما تسبناش يسهولة كدة خصوصا لو مش محتاج للسفر
ما انكرش ان زوجي وانا بنفكر جديا في السفر بس احنا محتاجين دة وهناخد بعضينا مع بعضينا يعني لنا حجتنا
انما حضرتك هتسيبنا ليه بس
الكل بيسيب البلد ليه يا ولاد والله بايني مش هاقدر برضه اسيبها
ربنا يوفقك يارب لما يحبه ويرضاه يارب اميييييييييييين
على اسم مصر
التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشقها زي الداء
واسيبها واطفش في درب وتبقى هي فى درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة أزورها واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
النخل في العالي والنيل ماشي طوالي
معكوسة فيه الصـور مقلوبة وانا مالي
يا ولاد أنا فى حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخوطايا وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
أسمعها مهموسة والا أسمعها مشخوطة
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو حيحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد أقوله لحد
القمح ليه اسمه قمح اليوم وأمس وغد
ومصر يحرم عليها .. والجدال يشتد
على اسم مصر
شعرصلاح جاهين
لاتتخيل قد ايه موضوع حاله خاصه اثر
فيا
الغربه للاسف سلاح ذو حدين وحيره بين المستقبل والاهل والوطن والبيت
ولكن نرجع ونقول
ان ربنا قال
وامشوا فى مناكبها وكلوا من رزقه
دعانا الله للسعى على الرزق لكن فراق الاهل من اصعبها على النفس
الرسول لما اخرجوه اهل مكه من مكه قال لولا ان اهلك اخرجونى ماخرجت
اسال الله ان ييسر لك الخير ويوفقك لخيرى الدنيا والاخرة
اللهم امين
اخر حاجه كنت اتوقعها انى ما اعرفش اوصلك
انت فين؟
كلمنى ليك عندى حاجه مهمه جداعاوزه اديهالك
يارب تكون لسه ماسفرتش
على فكره عمرو دياب بيقولك
خليك معايا خليك معايا يا حبيبي مهما كان خليك معايا يا حلم عمري الي في خيالي من زمان
م.ن
Post a Comment