Wednesday, July 23, 2014

يوليو كمان وكمان وعجبى



الحياة الاجتماعية



فى النصف الثانى من عام‏1906‏ قامت مجموعة من الشخصيات المصرية المرموقة بمناقشة إنشاء جامعة وطنية وجمع تبرعات لإنشاء تلك الجامعة لكى يستفيد الشباب المصرى من التعليم العالى


ارسل مصطفى كامل الى الشيخ على يوسف صاحب جريدة المؤيد رساله يدعو فيها الى فتح باب التبرع لمشروع انشاء الجامعة الوطنية واعلن مبارته بدفع مبلغ خمسمائة جنيه للمشروع وكان هذا المبلغ كبير جدا فى ذلك الوقت


فنشرت الجريدة رسالة الزعيم الكبير في عددها الصادر بتاريخ (11 من شعبان 1324هـ= 30 من سبتمبر 1906م).ولم تكد جريدة المؤيد تنشر رسالة مصطفى كامل‏ فى سبتمبر‏ ‏سنة‏1906 حتى توالت خطابات التأييد للمشروع من جانب أعيان الدولة، وسارع بعض الكبراء وأهل الرأي بالتبرع ، ونشرت الجريدة قائمة بأسماء المتبرعين، وكان في مقدمتهم حسن بك جمجوم الذي تبرع بألف جنيه، و سعد زغلول و قاسم أمين المستشاران بمحكمة الاستئناف الأهلية، وتبرع كل منهما بمائة جنيه.


قامت الحكومة بمنح الجامعة سنويا مبلغ ألفي جنيه‏,‏ كما منحت وزارة الأوقاف الجامعة مبلغ‏5000‏ جنيه‏


وعانت الجامعة كثيرا في بداية إنشائها وكاد المشروع أن يتوقف نهائيا لولا مجهود الأميرة فاطمة إسماعيل وهي إحدى بنات الخديوي إسماعيل التي ما إن عرفت ذلك حتى بادرت بتخليصها من عثرتها المالية، فأوقفت 661 فدان من أراضيها الزراعية فى الدقهلية على الجامعة حتى تجرى ريعها على الجامعة فتضمن بذلك مصدرا للتمويل، وكذلك منحت الجامعة مساحة ستة فدادين من الأرض بجوار سرايتها فى الدقى ليقام عليها الحرم الجامعي كما تبرعت بكل مجوهراتها الثمينة لتوفر للجامعة سيولة مالية عاجلة


ومن القطع التي تبرعت بها الأميرة فاطمة كيردان فيه‏18‏ فصا من الألماس يزن‏70‏ قيراطـا‏..‏ وبخاتم من الألماس وزنه‏8‏ قراريط‏..‏ وسلسلة من الذهب بها ثلاثة فصوص يزن الواحد منها‏34‏ قيراطـا وأسورة من الماس فيها فص يزن‏18‏ قيراطـا وحوله‏10‏ فصوص أخري و‏74‏ فصا وبقلب من الألماس يزن‏70‏ قيراطـا‏..‏ والأجمل من ذلك كله أن الأميرة خصصت‏3357‏ فدانـا لأعمال البر والإحسان‏..‏


ويقال ان قيمة مجوهراتها حوالى سبعون الف جنيه فى ذلك الوقت


حاليا لو زوجة رئيس او زوجة مسؤل او زوجة من زوجات الظباط الاحرار نفسهم او اولادهم لو بنت الرئيس جمال عبد الناصر نفسه السيده منى جمال عبد الناصر زوجة الملياردير اشرف مروان طلب منها التبرع باموالها وكل مجوهراتها
ممكن تعمل كده؟


الحياة السياسية


الاحزاب والتيارات السياسيه ماقبل الثوره


حزب الوفد المصرى ( سعد زغلول و مصطفى النحاس ) الحزب الأكثر شعبية فى مصر منذ أن ظهرت فى مصر فى مطلع القرن العشرين و حتى إلغائها تماماً فى فى أوائل عصر الثورة الحزب الوطنى ( مصطفى كامل و خليفته محمد بك فريد ) يلى حزب الوفد الحزب الوطنى مباشرة . حزب مصر الفتاة , حزب الدرستوريين الأحرار , حزب الشعب , حزب الإتحاد , حزب الأمة و بقية الأحزاب



بعد الثوره اصبح هناك حزب وحيد اسمه الاتحاد الاشتراكى ولا يجرء احد على انتقاده او مخالفته فى الراى والاتجاهات والحل الامثل هو ترك الحياه السياسيه والاتجاه الى حزب نادى الزمالك او حزب النادى الاهلى


الحياة الاقتصادية


قيمة العملة المصرية( الجنيه المصرى) قبل الثوره كانت تساوى جنيه ذهب وكانت من اعلى عملتين قيمة على مستوى العالم
كانت الحبوب والخضروات المصرية تغزو العالم والقطن المصرى طويل التيله رقم واحد على مستوى العالم
حاليا الصين تقوم بتوريد أكثر من عشره آلاف سلعة سنوياً لدول العالم نصفها تقريباً إلى مصر ...و مصر بلد الفول تقوم باستيراده من أمريكا


كبرياء المصرى وكرامته


كان ينظر للمصرى على انه من ارقى الشعوب واعرقها حضارة واحترامه وتكريمه امر مهم وضرورى
حاليا لايتم احترام المصرى لا داخل بلده ولا خارجها




مقال للاستاذ الكبير انيس منصور ...عجبى


قالت لي الملكة فريدة يرحمها الله، وكانت من أعز الأصدقاء وأكثرهم احتراماً للناس واحترام الناس لها. كانت ملابسها بسيطة ولكنها تبدو دائما ملكة في المشية والجلسة والقيام والقعود وإذا تكلمت..


وكنا قد اتفقنا على أن أكتب مذكراتها لتعرض وتشرح وتدافع عن نفسها وعن الملك فاروق الذي ليس بهذه الصورة السيئة التي تورطت فيها الصحف المصرية والأفلام ورجال الثورة ومؤرخها الأوحد ـ ولم تملك أن تقول، وإذا قالت فلن ينشره أحد، وإذا نشر فلن يقرأه أحد


قالت لي: عندي صورتان هما ملخص كل ما حدث..أما الصورة الأولى ففى ثوب الزفاف..عروس حلوة أحببناها.. في هذه الصورة كانت سعادة الدنيا كلها في عينيها وشفتيها وفي عيوننا أيضاً.. ولكن أهم ما في الصورة العقد الماسي النادر الذي جاءها هدية من ملك إيطاليا..


وقيل ثمنه مليون وقيل مليونان، ولكنه تحفة فنية نادرة المثال



وصورة أخرى لهذا العقد وقد تدلى من عنق بنت واحد من ضباط ثورة يوليو، ولا يهم إن كان العقد يتماشى مع العنق أو الفستان الذي ارتدته هذه السيدة بنت الثائر الطاهر الذي لا يسرق مال الشعب لا هو ولا ابنته. وهذه السيدة ذهبت بهذا العقد تبيعه في بلجيكا. فانقلب البوليس الدولي في كل مكان، فالعقد مسجل وله رقم ومعروف من الذي اشتراه والى من أهداه. ولا يمكن بيعه.


واتصل الجواهرجي بالسفارة المصرية: الحقوا.. اضبطوا السرقة والنهب لعرش مصر!ولم يكن هذا العقد فقط هو الذي نهبه الثوار، وإنما الكثير جدا من مخلفات الأسرة المالكة ومن قصورها..

وهي حكاية طويلة. تقول الملكة فريدة رحمها الله: نحن الذين نمثل العهد الأسود البغيض لا نجد ما نأكله، وهم أبناء النقاوة الثورية يرتعون في الملايين ـ عجبي




اليقين




اكتفى بيقينى فى الموضوع السابق وااقول كمان وكمان عجبى ومليون عجبى زى الاستاذ الكبير انيس منصور ماقال

36 comments:

عطر الليل said...

وعجبي فعلا
ربنا ينتقم منهم كلهم زي ما هدموا مصر كلها

lotto 649 winning numbers said...

that's really cute..wish i had one too.

Anonymous said...

كتاباتك كلها ابداع حقيقي
ويقينك قوي جدا
تسلم ايدك
تقبل خالص حبي وتقديري

عاشقه الفردوس said...

طيب دلوقتي
لقينا سلبيات وايجابيات

يعني الثورة بالنسبه لفلاحين مصر كانت زي مابيقولو شعاع امل بعد حياه الذل والمهانه


ماشي الثوره لها سلبياتها ولها ايجابياتها

الغلط مش ع الثوره
لا الغلط علي الاشخاص


بس موضوع الملكه فريده ده راااااااااااائع بجد

انها تخصص فدادين لتمويل الجامعات والله روعه

حسبنا الله ونعم الوكيل علي اللي واكيلنها

المستنصر بالله said...

استاذه عطر الليل

شرفتينى وسعيد بوجودك
اكيد وعجبى فعلا
مافيش عند كلمه غيرها

مع تحياتى

المستنصر بالله said...

المجهول

شكرا لحضرتك وشرفت اليقين ارجو ان تتكرر الزيارة

مع تحياتى

المستنصر بالله said...

استاذه عاشقه الفردوس

شرفتينى واسعدنى مرورك
اكيد الاشخاص هما اللى بيغيروا اى مبادئ جميله لتدخل الاهواء والمصالح الشخصيه واى مبادئ علشان تنفذ محتاجه رجال واشخاص لتحقيقها
فعلا موقف الملكه فريدة رائع فعلا

مع تحياتى

قلبي الصغير said...

يااااااااااااااااه

كل ده

ربنا يرحمنا

صح مش فيه اي حد هيعمل زي ماعملت الملكه فريده

أمــانــى said...

مش عارفه انا فى ايه
ده هدية الثورة لينا صح
علشان عيد الثورة قربت مهما حضرتك هتقول ومهما هتعيد برضو الثورة هتفضل الثورة
جامعة ايه اللى حضرتك بتتكلم عليها ما هما فتحوها لأبنائهم هما بس مش لاى حد تانى
انا مش فاهمة والله هو حال الفلاحيين قبل اتلثورة كانت حلوة حياة المصرين قبل الثورة كانت اخضر ومنور فى ايه ما كانت حياتهم ذل ومهانة وملوك ايه اللى بتتكلم عليهم وهما اصلا مش مصريين وعمرهم قلوبهم ما كانت على مصر
ما هما باعو الاثار وطلعوها على اساس هدايا يعنى هى كانت بتاعتهم الحكاية واحدة يا استاذى الفاضل
الظلم واحد والسرقة واحد
هما باعوا اهدروا اثار مصر والظابط الاحرار اهدروا مجوهراتهم يعنى العلمية واحدة
المهم احنا فين ؟؟؟؟
وانا برضو واحدة من صعيد مصر هأقول وهأعيد وهأزيد وهأقول فضل الثورة علينا كخط صعيد لا يمكن حصرها ولا انكارها مهما حصل
والزراعة تدهور مش فى عصر جمال ولا عصر الثورة الزراعة تدهور فى ايام السادات فى عصر الانفتاح وفى عصر مبارك خصوصا بعد استيراد الاسمدة وحبوب الزراعة من اسرائيل
يكفينى فخراً
جمـــــــال عبد الناصر مات شريفاً
رحمة الله عليك يا عبد الناصر اسكنك الله فسيح جناته
تحياتى لحضرتك

المستنصر بالله said...

قلبى الصغير
سعيد جدا بزيارة حضرتك وتشريفك اليقين تحياتى

المستنصر بالله said...

الاستاذه امانى
استنيت ردك المره اللى فاتت كتير فعملت البوست الاخير ده لعل وعسى انى اوضح ليكى حقيقة المعلومات اللى اخدتيها وكلنا اخدناها عن الملك وفساد الملك والفساد السياسى والكلام اياه وان الديمقراطيه ماقبل زوار الليل ونكسة يونيو اكثر وضوح
المره دى مبسوط جدا من حضرتك لانك اعترفتى بسرقة مجوهرات واملاك مواطنين مصريين من غير سبب
هاقولك معلومة بخصوص الفلاح بما ان حضرتك من الصعيد
أن قوانين الإصلاح الزراعي لم تحل مشكلة المعدمين الزراعيين، الذين بلغت نسبتهم قبل الثورة نحو 44 بالمائة، وفي عام 1965 انخفضت إلى 40 بالمائة، ثم ارتفعت عام 1972 إلى 45 بالمائة، ووصلت في نهاية الثمانينيات إلى 60 بالمائة من جملة سكان الريف.
تحياااااتى ليكى

المستنصر بالله said...

الاستاذه امانى
من فضلك جاوبى على السؤال ده
لو بنت الرئيس جمال عبد الناصر نفسه السيده منى جمال عبد الناصر زوجة الملياردير اشرف مروان طلب منها التبرع باموالها وكل مجوهراتها لعمل وطنى زى الاميره فاطمة اسماعيل
ممكن تعمل كده؟

أمــانــى said...

انا المرة الفات ماردتش بسبب ظروف الشغل لانى كمان نفسى قصير وماليش الجدال لاننا اكيد هنوصل لنقطة الصفر لان ده قناعة عندى بأحب جمال وعصر جمال بمميزاته وعيوبه
وشكل حضرتك مش بتحبه ولا انا هأقدر اقنع حضرتك علشان تحبه
:D

انا مش هأغير نظرتى ولا افكارى عن عبد الناصر مهما قيل عنه وعن عصره
لانى اعرف عيوبه كلها واكيد اى حد بيحب حاجة معينة مش بيقدر يشوف عيوبه حتى لو شاف العيوب برضو هيقنع نفسه انه مش عيوب

انا لا اقلل من الاخطاء ولكن فى المقابل كان له مميزات كثيــر وخير كتير وياريت حضرتك تقرأ بحيادة شوية
واوعى حضرتك تنسى فضل عبد الناصر على ناس كتيرة حرام نبخس حقه
زى ما بنقول عيوبه يبقى لازم نقول مميزاته لان فى مفيش حاجة سئية على طول الخط
ولا ايه راى حضرتك
:D

سؤال بس هو حضرتك اقطاعى ؟؟؟؟؟

:D

جمال اخطأ

واحفاد محمد على ليسوا بملايكة
وهما اول ناس باعو مصر والوطن العربى وهما اهدروا اثار مصر علشان المظاهر وحفلاتهم هما كانوا لهم دور فى الاستعمار وبهدلة مصر والمصريين
هما ضعيوا مصر قبل عبد الناصر
وضعيوا الحكم الاسلامى والدولة الاسلامية ولا برضو جمال عبد الناصر هو السبب
:D
هما السبب فى نكبة 48 ولا برضو عبد الناصر هو اللى كان السبب
زى ما حضرتك فاكر النكسة لجمال عبد الناصر
ياريت حضرتك كمان تكون فاكر
هما كانوا السبب فى النكبة

تتبرع ولا مش تتبرع اكيد ده حاجة ترجعلها بس انا اللى اعرفه لو جمال عايش هو اللى كان هيتبرع
رحمـــــــــــــة الله عليـك يا جمال

رحمـــــــــــه الله عليك جمال ادخلك الله فسيح جناته يااااااااااااااارب آمـــــــــــين
تحياتى لحضرتك
اسفة للاطالة

Anonymous said...

للاسف الناس اللي بتحب عبد الناصر دي ناس عايشة في الوهم
ربنا خلق الناس طبقات وهو اللي بيوزع الارزاق
فباي حق عبد الناصر يجي ويقاسم الناس في ارزاقها ويسلبهم فلوسهم
اللي حصل ايام الثورة ده كان سرقه علني
اعتراض علي حكم ربنا
المسجد اللي ادفن فيه جمال طول الوقت كانت المجاري مغرقاه
ونعم النهاية
ربنا يجحمه مكان مهو موجود
وحسبي الله ونعم الوكيل

منى said...

اخى
لست ناصريه
ولكنى لا اكره عبد الناصر
اكره التحزب بشده

هل تقصد ان قبل الثوره كانت حياه المصريين افضل؟؟
اعتقد اننا نعيش الان نفس الاجواء التى كانت قبل الثوره تماما
فهل نحن بخير الان؟؟؟

هنا من يعانى تخمه المال
ومن يمزقه الجوع
اغنياء ابنائهم فى الجامعات الخاصه بالالاف رغم فشلهم فى الحصول على مجموع محترم
ومتفوقين لكن فقراء ان فاتتهم درجه لم يلحقوا بقطار القمه

اعلم ان الله خلقنا طبقات
وكل ما اخذه على الثوره انها اخذت من الاغنياء جميعا دون النظر هل اكتسبوا مالهم من عمل وكد ام من فساد وتملق
ووزعوا الاراضى على الفلاحين دون النظر هل له حق سلب منه ام لا؟

جدى كان احد صغار الاثرياء الذى عاقبته الثوره لمجرد ان امواله كانت فى بنك الايطالى الذى تم تاميمه باموال المودعين و فرضوا له معاش يعينه على الحياه حتى وفاته ورغم ذلك ارى ان نواياها الطيبه تغفر لها الذلات

مجتمع الاغنياء ومجتمع الفقراء
قبل الثوره وما بعدها
وكل مكان وزمن

فيه المحسن وفيه المستغل ان كانت الاميره فاطمه والامير طوسون وغيرهم كانوا من المحسنين _وهل هم اساسا من كدوا فى تلك الارض ليمتلكوها هم وابائهم؟؟_فعيرهم كثيرون فى هذا العهد اذاقوا الفقراء العذاب
وفى عهدنا هذا قد ترى مثلهم وليس بالضروره ان تكون بنت عبد الناصر
فبنات الملك فؤاد لم يتبرعن بشء

مجتمع قبل الثوره كان عذاب الفقراء
كان زمن الحلم المستحيل
اثناء الثوره احلم بقدر ما تستطيع كل الامانى ممكنه

الان لا مكان للحلم الامل فى الله وحده
تحياتى

حبيبـــــــة القمـــــر said...

وانا بشوف البوست تذكرت مسلسل مين اللي مايحبش فاطمه ههههههههه
ايه الجمال دا اتبرعت بكل دا
والله دي كريمه اوي
ابوها يسرق وهي تاخد اللي سرقه وتتبرع بيه
جميله اللعبه دي
ال يعني هي غرمانه حاجه

نونو said...

هقول لحضرتك حاجة مهمة جدا
انا من الناس اللي مش عارفة تحب عبد الناصر ولا تكرهه؟؟؟
احبه علشان عمل الثورة والسد وكدة ولا اكرهه علشان المعتقلات وفيلم الكرنك وكدة
؟؟؟؟
ولا ايه
تدوينة هايلة لازم اقراها تاني
تحياتي

نهر الحب said...

موضوع مفيد وقيم وله ابعاده
بس فعلا انا عاجبنى جدا ما اشارت اليه من مواقف الاميرات المعاكس لمواقف زوجات الرؤساء والوزراء الان

تورة لم تؤتى ثمارها
دا رأى
للاسف الشديد لتغير ضمير اغلب وليس كل
قادتها


كل الاحترام

اوعى تفكر said...

انا عندى يقين
ان احنا بنتقلب من زمان اوى
وقال يقولك ثوره
دى كانت ثروه ليهم
وليست ثروه لينا

المستنصر بالله said...

الاستاذه الكبيره امانى

معاكى ان مافيش حد كله عيوب وحد كله مميزات بس لو وضعنا مميزات جمال كلها فى كفه والنكسه فى كفه واخذه اموال الناس بدون وجه حق لرجحت كفه النكسه دى قضت على اى حاجه حلوة عملها
ان الله لا يصلح عمل المفسدين
وبعدين مش الاسره العلويه اللى ضيعت الخلافه لا دة كمال اتاتورك اللى ضيع الخلافه بسبب خيانته واستحق عقابه من الله
على العكس الملك فاروق كان نفسه يرجع الخلافه الاسلاميه تانى وتكون مقرها مصر لكن الاستعمار والخونه برضه وقفوا ضده
اى حكم فيه خيانه وحاشيه فاسدة
لا زم يفشل ويسقط

تحياتى الكبيره ليكى

المستنصر بالله said...

Anonymous

شرفتنى
فعلا اخذ اموال الناس بالباطل كان من اسوا ما قام به
ذهب الى ربه وهو الاعلم بحاله

مع تحياتى

المستنصر بالله said...

الاستاذه منى

شرفتينى
مع حضرتك ان عصر ما قبل الثوره ليس كان بالحياه الورديه بس يكفى اننا كنا اقوى اقتصاديا شوفى الجنيه وقوتها وقتها شوفى القطن المصرى والرزراعه المصريه
انظرى الى تودد العالم الخارجى لنا وقتها لدرجه ان هتلر اهدى الملك فاروق سياره فى زواجه وغيره من ملوك ورؤساء العالم
لو كنا رجعنا لزمن ما قبل الثورة دة نتيجه لسرقه القطاع العام وتركوه
خراب لم يستطيعوا ادارته فباعوه بابخس الاتمان لرجال اعمال فاسدين وكل دة نتاج لسياسه الثورة السابقه ورجالها الشرفاء اللى سرقوا البلد واعتبروها عزبتهم

مع تحياتى

المستنصر بالله said...

حبيبه القمر

شرفتينى
طب واللى بيسرق دلوقتى مش بيتبرعوا ليه
كتر خيرها انها بترجع اللى سرقوه للفقرا تانى فيه حد بيعمل كدة دلوقتى

مع تحياتى

المستنصر بالله said...

استاذه نونو

شرفتينى
هاقولك لحضرتك
استفتى قلبك وهو اللى هايدلك على الحقيقه

مع تحياتى

المستنصر بالله said...

استاذه نهر الحب

شرفتينى
اكيد لو كانوا راعوا ربنا فى الرعيه وحافظوا على البلد وحبوها خافوا عليها بجد كانت هاتكون الحياه افضل كتير وكانت ثورتهم نجحت وحققت ثمارها

مع تحياتى

المستنصر بالله said...

اوعى تفكر

شرفتنى
فعلا عندك حق
ثروة ليهم
مش ثوره لينا

مع تحياتى

حنين.. said...

والله انا كمان مش عارفه احب عبد الناصر ولا اكرهه, كل ما اسأل ماما وستى وبابا وكل الناس اللى عاشوا عصره, يقوله فيه شعر, وكل ما أقرأ وأسمع... الاقى عبد الناصر غير كدا خالص, لكن انا هقول لحضرتك, لا عبدالناصر ولا السادات ولا مبارك, ولا واحد فيهم حلو, مش عارفه انا حاسه انى محمد نجيب هو الللى كان حلو ,..... فى انتظار المزيد.. بحييك على مواضيعك وتحياتى

جنّي said...

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

مدحت محمد said...

ليك تاج عندى

walaa said...

كل سنة وانت طيب وعقبال ميلون سنة

walaa said...

على فكرة لو مسحتها هزعل انا عارفة انك مش بتحب تحتفيل بعيد ميلادك بس عشان خاطرى خاليها

منى said...

اخى
ارجو ان تكون بخير
وان تطماننى على العزيزه رفقه عمر
تحياتى

أحمد كمال said...

هي مبدئيا يعني ماكانتش ثورة ، لكن كان انقلاب ، و أكيد مصر دلوقت مش أحسن من أي وقت فات ، كفاية تشوف حال المصريين ، مش حاتكلم عن الأحوال الاقتصادية ، لكن كفاية الأخلاق .

و باقول للإخوة الناصريين ، التاريخ المزور هو اللي اتدرس في المدارس ، و هو اللي طلع في الأفلام ، فلمعرفة الحقيقة بحيادية إبدأوا بالقراءة .. فالأساطير لا تصنع الأوطان .

أحييك يا أستاذ مستنصر

alqassam said...

سنة اولى تدوين ...اهداء الى من احبهم واتعلم منهم ...جديد على مدونة القسام

shaimaa samir said...

السلام عليكم ورحمة الله وبركاته

يشرفنى دعوتكم لحضور حفل توقيع ديوانى الاول
اطياف الصمت

وذلك فى الثانى من شهر اغسطس
يوم السبت القادم باذن الله
الساعة 7
بمكتبة طلعت حرب


يشرفنى حضوركم جدااااا

ساعد نسرين الايمن said...

حرام عليك

دانت شركت الثورة خالص

المهم يا فندم
انت اخبارك ايه ؟

مطلوب من سيادتك الرأي والمشورة
فلا تبخل عليا اخي بالنصيحة
عليكك بالذهاب لمدونتي لادلاء برايك
لانك من الاشخاص الذين اثق برايهم جدا جدا